Павлодарлық оқушы Қытайдағы халықаралық олимпиадада "алтын" жеңіп алды

Дарынды балаларға арналған № 8 мектеп-лицейдің 11-сынып оқушысы Ринат Илусизов халықаралық олимпиададан "алтын" әкелді, деп хабарлайды Zakon.kz.

Бұл туралы pavlodarnews тілшісі хабарлады. Шэньчжэнь қаласында (Қытай) химиядан Халықаралық Менделеев олимпиадасы өтті. Оған әлемнің 29 елінен екі жүзге жуық оқушы қатысты. Олардың қатарында Австрия, Армения, Беларусь, Бразилия, Болгария, Венгрия, Қазақстан, Қытай, Қырғызстан, Солтүстік Македония, Сербия, Үндістан, Сирия, Куба, Шри-Ланка, Кения бар.

Қазақстан Республикасының құрама командасына химия пәнінен республикалық олимпиаданың жеңімпаздары кірді. Олардың арасында дарынды балаларға арналған №8 мектеп-лицейдің 11-сынып оқушысы Ринат Илусизов бар, ол халықаралық жарыстың қорытындысы бойынша "алтын" медаль иегері атанды.

Сонымен қатар, ел құрамасы екі күміс және алты қола медаль жеңіп алды.