Астанада нөсер жауын жауып, көшелерді тағы су басты
![Нөсер жауын, Астана, көшелерді су басты, әлеуметтік желі, сурет - Zakon.kz жаңалық 17.07.2024 20:24](https://kaz.zakon.kz/pbi/WEBP/2024-07-17/file-d358b430-8a5f-4595-aa88-8b347d550f61/400x225.webp)
17 шілдеде әлеуметтік желіні пайдаланушылар нөсер жаңбыр салдарынан су басқан елорда көшелерінің видеосымен жаппай бөлісіп жатыр, деп хабарлайды Zakon.kz.
Желіде жазып жатқандай, қазір Тұран, Ұлы Дала көшелері, сондай-ақ Жағалау ауданындағы учаскелер су астында қалды.
Видеодан автокөліктердің суда "жүзіп жүргенін" көруге болады, ал кейбір астаналықтар шалбарын тізесіне дейін түріп алып, жолды кесіп өтіп барады.
Айта кетсек, 10 күн бұрын астанадағы көшелерді су басқан болатын. Ол кезде әкімдік елордада жаңбыр суына арналған кәріз жүйелері мен тазарту нысандарын салу жұмыстары жүргізіліп жатқанын атап өткен еді.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript