Алматыда жөндеуге байланысты Рысқұлов-Бөкейханов жолайрығындағы көпір біраз уақытқа жабылады

Рысқұлов-Бөкейханов жолайрығының учаскелеріне орташа жөндеу жүргізуге байланысты қозғалысқа уақытша шектеулер енгізіледі, деп хабарлайды Zakon.kz.

"Мәселен, 4 тамызда сағат 23:00-ден 6 тамызда сағат 11:00-ге дейін оңтүстік және солтүстік бағыттағы көпірде қозғалыс толығымен жабылады, сондай-ақ Бөкейханов көшесі бойындағы жолайрығының көпірге кірме жолының барлығы жабылады",- делінген ведомство хабарламасында.

Жөнделетін учаскеде ескерту белгілері, мердігер ұйым басшысының байланыс ақпараты бар стендтер қойылады.

"Естеріңізге сала кетейік, қозғалыстарды шектеуге қатысты барлық ақпарат Almaty.kz сайтында, @AlmatyJoly Telegram-арнасында, аудандық әкімдіктер мен басқармалардың әлеуметтік желілерінде, сондай-ақ 2GIS және "Яндекс карталар" сервистерінде орналасқан". "Алматы жылу жүйесі" ЖШС

Сурет: "Алматы жылу жүйесі" ЖШС

Бұған дейін Алматыдағы көшелердің бірі жөндеу жұмыстарына байланысты бір айдан астам уақытқа жабылатындығы хабарланды.