Алматыда бұзақылар жас ағаштарды сындырып кеткен - шығын көлемі миллион теңгеден асты

13 тамызда алматылықтар Сайран көлінің жанындағы аллеяда сынған 36 көшетті тапты, деп хабарлайды Zakon.kz.

Бірінші "Еуразия" арнасының ақпаратынша, ағаштар 2022 жылы отырғызылған.

Сынған ағаштар аллеяның екі жағындағы бейнекамералардың көруі шектелген жерде кездеседі. Бұзақылар ұсталған жағдайда оларға 111 мың теңге көлемінде айыппұл салынады. Сонымен қатар, олар жаңа ағаштарды отырғызулары керек.

12 тамызда Алматыдағы аудандардың бірінде көше бұзақысы 10-нан астам көлікті зақымдағаны хабарланды.