Жекеменшік жеңіл моторлы ұшақ Ақмола облысындағы тас жолға қонды

Ұшақ, жеңіл моторлы, жекеменшік, тас жолға қону, Ақмола облысы, Степногорск қаласы, сурет - Zakon.kz жаңалық 11.09.2024 18:54

Сурет: pixabay

Жекеменшік жеңіл моторлы ұшақ Ақмола облысындағы тас жолға қонды, деп хабарлайды Zakon.kz Азаматтық авиация комитетіне сілтеме жасап.

Азаматтық авиация комитетінің мәліметінше, 2024 жылы 10 қыркүйекте жеке ұшқыш куәлігі бар, жалпы қолданысқа арналған TL-2000 аса жеңіл ұшағын пайдалану кезінде әуесқой ұшқыш Степногорск қаласы маңындағы көп пайдаланыла бермейтін автомобиль жолына қонған.

"Қолда бар ақпаратқа сәйкес, ұшақ жол жанындағы ылғалды топырақ алаңға қону мүмкін болмағандықтан автомобиль жолы учаскесіне қонған. Көп ұзамай ұшақ өзінің базалық әуеайлағына оралды", - деді ведомстводан.

Сонымен қатар, ұшқыштың іс-әрекеттерінде бұзушылық белгілері байқалғаны да нақтыланады.

"Осыған байланысты, аталған жағдайдың барлық мән-жайын егжей-тегжейлі зерделегеннен кейін "Қазақстанның авиация әкімшілігі" АҚ және Азаматтық авиация комитеті жалпы мақсаттағы авиация құралдарын пайдаланушысын заң аясында жауапкершілікке тарту жөнінде шаралар қабылдайтын болады. Бұл жағдайда ешкім зардап шеккен жоқ", делінген хабарламада.

Оқи отырыңыз