"Арнайы қалпақ кигізді". Қарағандыда көпқабатты тұрғын үйден өрт шығып, 17 адам құтқарылды
Сурет: ҚР ТЖМ баспасөз қызметі
Бүгін, 19 қыркүйекте Қарағандыда Ермеков көшесі бойындағы тоғыз қабатты тұрғын үйде өрт болып, 17 адам, оның ішінде жеті бала эвакуацияланды, деп хабарлайды Zakon.kz.
ҚР ТЖМ баспасөз қызметінің хабарлауынша, Апаттар медицина орталығының шұғыл әрекет ету тобы оқиға орнында зардап шеккен 2011 жылғы балаға шұғыл медициналық көмек көрсетті. Тоғыз қабатты тұрғын үйдің төртінші қабатындағы пәтерлердің бірінде тұрмыстық заттар мен қоқыс өртенгені анықталды.
"ТЖД күштерінің жедел әрекеттерінің арқасында өрт кезінде тұншығудан қорғау қалпақтарының көмегімен 17 адам, соның ішінде 7 бала құтқарылды", делінген хабарламада.
Бұған дейін Жезқазған қаласында от шыққан пәтерде үлкендердің қарауынсыз, қамаулы қалып кеткен үш кішкентай бала құтқарылғаны хабарланған. Кейін электр пештегі тамақ күйіп, үйді түтін басқаны белгілі болды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
