Америкалықтар асырап алған қазақстандық бойжеткен өз-өзіне қол жұмсады

Америкалықтар асырап алған қазақ қызы өзіне қол салды, сурет - Zakon.kz жаңалық 07.10.2024 10:24

Сурет: Instagram/janar_baisemiz

АҚШ-та Динара есімді бойжеткен өз-өзіне қол жұмсады. 2005 жылы оны америкалық отбасы асырап алып, Қостанайдан алып кеткен. Қайғылы оқиға туралы "Шетелдегі қазақ балалары" жобасының авторы Жанар Байсеміз мәлімдеді, деп хабарлайды Zakon.kz.

Байсеміз 2024 жылы 6 қазанда Instagram парақшасында жазба жариялады.

"Америкадан жеткен суыт хабар жып-жылы болып тұрған күздің күнін суытып жіберді. Бір сәтте айналамдағы әсем бояулар қарайып, шайылып кетті. Бұл қалай болғаны, неге, не үшін?! Сұрақ көп, жауап жоқ…Неткен өкініш…Неткен қасірет…Динара, кешір мені, кеш бізді…Рухың пейіште шалқысын. Жап-жарық едің… Қош бол, Жарық Күн," — деп жазды журналист әлеуметтік желісінде.

Посмотреть эту публикацию в Instagram

Публикация от Zhanar Baisemiz (@janar_baisemiz)

Ашық дереккөздердің мәліметінше, Динара 2023 жылы туған анасын іздеп тапқан. Сол кезде сұхбатында ол өз уайымымен бөлісті: ол жаңа отбасының бұзылуына байланысты депрессияға ұшыраған. Ата-аналардың ешқайсысы асырап алынған баламен қарым-қатынасты жалғастыруға ниет білдірмеген.

2024 жылдың тамыз айында Алматыдағы Балалар үйінің қызметкері шулы мәлімдеме жасады. Одан кейін мұғалім мекемедегі балаларға қамқоршылықты ақшаға ұйымдастыруға болатынын айтты. Айтуынша, бай адамдар сәбилерді таңдап, оларды оңай асырап алады.

Оқи отырыңыз