Атырауда ер адам қарт ата-анасын айуандықпен өлтіріп, артынан өз-өзіне қол жұмсады
Фото: Zakon.kz
Атырауда полиция қос кісі өлтіру және өзін-өзі өлтіру бойынша қылмыстық істі тергеп жатыр, деп хабарлайды Zakon.kz тілшісі.
Алдын ала мәлімет бойынша, 25 жастағы жігіт 65 және 58 жастағы ата-анасын өлтіріп, кейін өз-өзіне қол жұмсаған.
"Қазіргі уақытта оқиғаның барлық мән-жайын анықтау бойынша жедел-іздестіру шаралары жүргізілуде", — деп хабарлады Атырау облыстық полиция департаментінің баспасөз қызметі.
Полиция департаменті тергеу құпиясын алға тартып, жан түршігерлік қылмыстың жай-жапсарын ашпай отыр.
Осы уақытта, қауесет бойынша, кісі өлтіру болған үйден пышақ пен темір балға табылған. Үй ішінде көптеген қара қоңыр дақтар табылды.
Өткен аптада, 2024 жылдың 3 қазанында Боралдайда кішкентай қыздың айуандықпен өлтірілгені белгілі болды. Бұған оның анасы күдікті деп танылды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
