Өзенде ағып бара жатқан баланы құтқарып қалған жігіттің ерлігіне көпшілік таңдай қақты
Сурет: TikTok/xan_0911
TikTok-та жариялаған хэштегтерге қарағанда, оқиға Алматыда болған. Ал бала ағып бара жатқан өзен Есентайға ұқсайды. Шамасы, ер адам ағып бара жатқан баланы көріп, еш ойланбастан суға секірген болуы керек. Мұны оның шешпеген күннен қорғайтын көзілдірігі мен барсеткасы дәлелдейді.
@xan_0911 Сойтип 1 Периштеге Себепкер Болып Калдык😂#Алматы#ИншАллах🤲🏻 ♬ оригинальный звук — Xan_0911
Құтқарылған бала оған: "рахмет, аға" деп алғысын білдірді.
Ер адамның айтуынша, бұл баланың суға ағып кете жаздаған екінші оқиғасы. Оған бұл туралы баланың өзі айтып берген.
"Бала лас суды көп жұтып қойды", – деп қосты ер адам.
Батырдың ерлігіне сүйсінген пікір қалдырушылар, оны тауып пәтер мен көлік сыйлау керектігін айтты:
- Жарайсың!
- Нағыз жігіт!
- Батыр екенсің!
- Періштені құтқарып қалдың!
- көзілдірікпен жүр,демек ойланбастан секірген екен азамат.
- Бар жақсыға лайықсың, жарадың!.
"Барлықтарыңызға рахмет! Менің орнымда басқа біреу болса да, дәл осы қадамға баратынына сенімдімін. Баланы құтқаруда қолымнан келетіннің барлығын істедім",- деп жауап берді батыр жігіт желі қолданушыларына.
Алматы полиция департаменті бұл факт әлеуметтік желілердің мониторингі барысында анықталғанын атап өтті.
"Оқиға туралы полицияға сигналдар, қоңыраулар, өтініштер түскен жоқ. Қазіргі уақытта Алмалы ауданының полиция басқармасы тексеру жүргізуде. Құтқару операциясына қатысушылар мен құтқару тізбегі анықталады",-деп толықтырды қалалық ПД баспасөз қызметі.
Бұған дейін жоғалып кеткен мультимиллионер мен оның қызының денесі суға батқан яхта ішінен табылғаны хабарланған болатын.
