Елордада шетелдік азамат қымбат көлікті ұрлап, Балқашқа дейін жетіп қалған
Сурет: Қарағанды облысы ПД
Астанада 4 қарашаға қараған түні көлік ұрланды. Қаладан тыс аумақта қазақ немесе орыс тілін білмейтін шетелдік автоұры ұсталды, деп хабарлайды Zakon.kz.
Қарағанды облысы полициясының мәліметінше, түнде оларға Астанадан белгісіз біреудің көлікті паркингтен ұрлап кеткені туралы хабарлама келіп түскен.
"Алдын ала мәліметтер бойынша, автоұры Қарағандыға қарай бет алған. Бұл бағдар Қарағанды облысы полиция департаментінің барлық бөлімшелеріне түсті. Көп ұзамай Екатеринбург – Алматы тас жолындағы патрульдік полицейлер Балқаш қаласына 50 км жетпей ұрланған көлікті ұстады", — деп хабарлады полиция.
Тұтқындалған 25 жастағы шетелдік, мемлекеттік тілде де, орыс тілінде де сөйлесе алмайды.
"Іздестіру бастамашысына ұстау туралы хабарланды. Тергеу жүргізілуде. Мән-жайлар анықталуда", — деп түйіндеді ПД.
Бұған дейін Қарағанды облысында үш жүк вагоны рельстен шығып, төтенше жағдай орын алғаны хабарланған болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Тәулік
Апта
Ай
Жыл
