Семейдегі балабақша тәрбиешісі балаларға қол көтерген: қылмыстық іс қозғалды

Семей қаласының мектепке дейінгі мекемелерінің бірінде баланы ұрған тәрбиеші жұмыстан шеттетілді, деп хабарлайды Zakon.kz.

Сондай-ақ, қатаң сөгіс жарияланды. Мұнымен қоса, сегіз ата-ананың өтінішімен тәрбиешіге 140-бап бойынша қылмыстық іс қозғалды. Бұл туралы "SEMEI TV" телеарнасы жазды. 

"Іс бойынша сот-медициналық сараптама тағайындалды", – делінген хабарламада.

Ата-аналардың айтуынша, балалары мекеме тәрбиешісіне шағымдана бастаған, әріптер мен басқа бағдарламаны білмегені үшін оларды басынан ұрғанын айтқан. Ата-аналардың күдігі сабақ кезіндегі бейнежазбаны көргеннен кейін расталды. 

Бұған дейін Астана мектептерінде сабақ қысқартылатындығы хабарланған болатын.