Маңғыстау облысында күн борап тұр: 29 жүк көлігі қар құрсауында қалып кетті

Маңғыстау облысы ТЖД қызметкерлері "Жаңаөзен - Түрікменстан" республикалық маңызы бар тас жолындағы учаскедегі 29 жүк көлігін қар құрсауынан алып шықты, деп хабарлайды Zakon.kz.

ҚР ТЖМ баспасөз қызметінің хабарлауынша, ауа райының нашарлауына және қалың қардың түсуіне байланысты жүк көліктері қар құрсауында қалып кетті.  Жүк көліктерінің бірі жолдан мүлдем шығып қалған.

Аймақтық құтқару бөлімшелерінің қызметкерлері дереу жүргізушілерге көмектесу үшін жолға шықты. Құтқарушылар жолды тазалап, көлікті сүйреп, қозғалысты қалпына келтіруге көмектесті. Аталған жұмыстар "Қазавтожол" қызметкерлерімен бірлесіп жүргізілді.

ТЖМ қыс мезгілінде қауіпсіздік ережелерін сақтау қажеттілігі туралы ескертеді, дауылды ескертулерге назар аударыңыз және ауа-райы нашарлаған жағдайда үйде болуды ескертеді. 

Төтенше жағдай туындаған жағдайда құтқару қызметінің тәулік бойғы "112" бірыңғай нөміріне қоңырау шалыңыз.

Бұған дейін қолайсыз ауа райына байланысты еліміздің үш өңірінде көлік қозғалысына шектеулер енгізілгенін хабарлағанбыз.