Алматы маңында жолдан өтіп бара жатқан ер адамды қағып өлтірді

2024 жылғы 17 желтоқсанға қараған түні Алматы облысында Алматы-Бішкек тас жолында жол-көлік оқиғасы (ЖКО) орын алды, деп хабарлайды Zakon.kz.

Hyundai Elantra жүргізушісі қаладан облысқа қарай, батыс бағытта жүрді. Жолдың 26-шақырымында белгіленбеген жерден жолға қарай 35-40 жастағы ер адам жүгірген.

Сурет: Zakon.kz

Өкінішке орай, автокөлік жүргізушісі дер кезінде әрекет ете алмай, жаяу жүргіншіні қағып кетті. Қатты соққыдан ер адам шетке қарай ұшып кетті. Ол алған жарақаттарынан оқиға орнында медициналық қызметкерлер келгенге дейін қайтыс болды.

Сурет: Zakon.kz

Енді анықтаушылар апаттың барлық жағдайларын және қайтыс болған адамның жеке басын анықтауы керек, өйткені оның жанында ешқандай құжаттар жоқ.

Сурет: Zakon.kz

Бұған дейін Қостанай облысында жол апатынан екі мұғалім қаза тапқаны хабарланған болатын.