БҚО-да із-түссіз жоғалып кеткен қыз 7 сағаттық іздеу жұмыстарынан кейін ен далада табылды

Полиция, полицейский, полицейские, полиция зимой, полицейский зимой, полицейские зимой, патрульная полиция, патруль, сотрудник полиции, сотрудники полиции, полиция зима, сурет - Zakon.kz жаңалық 18.12.2024 11:06 Фото: Zakon.kz
Батыс Қазақстанда полиция қызметкерлері жоғалған 22 жастағы қызды 7 сағаттық іздеу жұмыстарынан кейін аман-есен тапты, деп хабарлайды Zakon.kz.

16 желтоқсанға қараған түні Батыс Қазақстан облысы Теректі ауданында 22 жастағы бойжеткен үйден шығып, белгісіз бағытқа бет алған. Ата-анасы алаңдаушылық білдіріп, қызын табу үшін полицияның көмегіне жүгінген. Сағат 22:00-де Теректі аудандық полиция бөліміне қызын жоғалтқан анадан хабарлама түскен сәтте-ақ, барлық жеке құрам дереу іздестіру жұмыстарына жұмылдырылды.

Оған қоса, іздеу жұмыстарына атсалысты:

  • әкімдік қызметкерлері,
  • азаматтық қорғаныс өкілдері,
  • жергілікті тұрғындар.

Полицейлер далалық жерлерге ерекше назар аударып, түнгі уақытта кең аумақты мұқият шолып шықты. 7 сағатқа созылған іздеу нәтижесінде таңғы сағат 5 шамасында бойжеткен өз үйінен 15 шақырым қашықтықтағы далада, Ақсай қаласына қарай бет алып бара жатқан жерінен табылды.

"Қыздың жағдайы қанағаттанарлық деп бағаланды. Қатты аязға қарамастан, үсік шалу белгілері байқалмаған",- деп мәлімдеді ведомство.

Оған полиция қызметкерлері дереу алғашқы медициналық көмек көрсетіп, үйіне жеткізді. Қазіргі уақытта бойжеткен анасының жанында, жағдайы жақсы.

Бұған дейін Үшарал-Достық автожолында 26 жүк көліктің қар құрсауында қалып қойғандығы хабарланған болатын.

Мақаламен бөлісу
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: