"Кілтті көршілерге қалдырмаңыз": Полиция демалыс жоспарлаған алматылықтарға кеңес берді

Алматылықтардан әлеуметтік желіде сапарлары туралы хабарламау және пәтер кілтін көршілерге табыстамау сұралды, деп хабарлайды Zakon.kz.

Қала полициясының ресми өкілі Салтанат Әзірбек оңтүстік астананың тұрғындарына өз мүлкін қорғау үшін қарапайым ережелерді сақтау көмектесетінін айтты.

"Қылмыскерлер де желіні бақылап отырады, олар интернет кеңістікпен жақсы таныс. Мәселен, көпшілік алдында жүрген тұлғаның "біз 10 күндік демалысқа кеттік" деген ақпараты, ол үшін "үйде ешкім жоқ, кілт төсеніштің астында" дегенді білдіреді",- деді ол 2025 жылдың 6 қаңтарында РСК брифингінде.

Осылайша, спикер алматылықтарды ақпараттық қауіпсіздікке шақырды.

"Кілттерді бұрынғыдай гүлдерді суару, үй жануарларын тамақтандыру үшін көршілерге қалдырып кетпеу керек. Бүгінде әр нәрсеге қырағылық танытқан жөн. Егер пәтер төменгі қабаттарда болса, терезелерді тормен жабықтаған маңызды және ең қарапайым дабыл жүйесін орнату да артық етпейді",- деп атап өтті Салтанат Әзірбек.

Посмотреть эту публикацию в Instagram

Публикация от Алматы жаңалықтары/Новости Алматы (@rsk.almaty)

Бұған дейін онлайн курс сатып алған астаналықтың 2 млн теңгеге алданып қалғандығы хабарланған болатын.