Екібастұзда жоғалып кеткен ер адам екі аптадан бері табылмай жатыр

Шахриддин Баймурадов 18 сәуірде үйінен шығып кетіп, содан бері ұшты-күйлі жоқ. Жергілікті VITA еріктілерінің ер адамға іздеу салып жатқанына осымен екінші апта, деп хабарлайды Zakon.kz.

Pavlodarnews.kz мәліметінше, ер адамның басына бұрын ота жасалған екен.

"Ер адамның бас сүйегіне ота жасалған, жарақаттан кейін құрысулар пайда болды. Жоғалған күні де құрысу пайда болып, туыстары жедел жәрдем шақырған. Ақ халаттылар келіп кеткеннен кейін Шахриддин үйінен шығып, белгісіз бағытта кеткен",  – дейді еріктілер.

Іздеу шаралары, әзірге нәтиже бермеген.

Жоғалған адам туралы кез келген ақпарат болса, [phone]  (іздеу тобының жетекшісі Катерина), [phone] (Екібастұз қаласындағы іздестіру тобының үйлестірушісі Самал) нөмірлеріне хабарласу сұралады. 

Бұған дейін Атырау облысында балық аулау кезінде суға батып кеткен жас дзюдошының денесі табылмай жатқанын жазғанбыз.