Алматы маңындағы теміржол бойында мәйіт табылды

2025 жылғы 7 мамырда кешке Қайрат – Байсерке аралығында (Сарыөзек-Алматы учаскесі) жүк пойызы бөгде адамның темір жолға шығып кетуіне байланысты шұғыл тежеуді басуға мәжбүр болды, деп хабарлайды Zakon.kz.

"Қазақстан темір жолы" ҰҚ" АҚ-ның мәліметіне сүйенсек, пойыз сағат 20:52-де тоқтаған. Оқиға орнында жансыз адамның денесі табылды. Пойыз қажетті процедуралар аяқталғанға дейін тоқтатылды.

Оқиға орнына полиция келіп, тергеу жүргізілуде.

Бұған дейін Маңғыстау облысында көшеден тастанды шақалақ табылғандығы хабарланған болатын.