Жаңаөзен маңындағы мұнай ұңғымасында апат орын алды

10 маусым күні Жаңаөзен қаласына жақын орналасқан Теңге ауылы маңындағы мұнай ұңғымасында газдың шығуы тіркелді, деп хабарлайды Zakon.kz.

Бұл туралы өңірлік Экология департаменті мәлімдеді.

"Сағат 08:30 шамасында Теңге ауылынан 500 метр қашықтықта орналасқан "Petro НефтеГазсервис" ЖШС-не тиесілі №553 ұңғыманы бұрғылау кезінде төтенше жағдай орын алып, газ шығарылды. Сағат 08:40-та кәсіпорын қызметкерлері қажетті жұмыстарды жүргізіп, жағдайды оқшаулады", – делінген ақпаратта.

Посмотреть эту публикацию в Instagram

Публикация от Маңғыстау Облысы Экология Департаменті (@mangystau_ecology_department)

Ведомствоның мәліметінше, оқиға орнындағы қоршаған ортаға келуі мүмкін әсерді бағалау үшін зертханалық-талдамалық бақылау бөлімінің мамандары атмосфералық ауаның аспаптық өлшеулерін жүргізген.

Экология департаменті өлшеу нәтижелері мен қабылданған шаралар туралы қосымша ақпарат берілетінін нақтылады.

Бұған дейін Астанада спорт-барда ұрлық жасаған күдіктінің бейнебақылау камерасына түсіп қалғандығын жазғанбыз.