Алматыдағы арнайы операция: есірткі сатушылардан зейнеттегі полицейдің атына жасалған жалған куәлік табылды

Алматы, арнайы операция, есіркіт саудасы, сурет - Zakon.kz жаңалық 27.02.2023 12:40

Сурет: Zakon.kz/Максим Золотухин

Алматы полиция департаментінің баспасөз қызметі Zakon.kz сайтына есірткі сатумен айналысатын қылмыстық топ жойылғанын хабарлады. Арнайы операция барысында бес ер адам ұсталды, бесеуі де Жамбыл облысы Шу ауданының тумалары.

Алматы қалалық полиция департаментінің есірткі қылмысына қарсы күрес басқармасының бастығы Ерлан Әлмағамбетов күдіктілер мегаполистің әр жерінен ұсталғанын атап өтті. Мәселен, біреуі Қалқаман шағын ауданында қолға түсті.

"Рұқсат етілген тінту кезінде одан сығымдалған гашиш заты салынған төрт бума, 1 млн 150 мың теңге көлеміндегі қолма-қол ақша және ІІО зейнеткерінің жалған куәлігі табылды және тәркіленді. Ал күдіктінің үйінен, үйдің қазандығынан жалпы салмағы 4 келіден асатын гашиш есірткі заты салынған 7 полиэтилен бумасы мен металл таразылар табылды".Алматы полиция департаментініңі баспасөз қызметі

Дәл сондай жалған құжат топтың тағы бір мүшесінен – 40 жастағы О. есімді азаматтан тәркіленді.

"Арнайы іс-шара нәтижесінде заңсыз айналымнан жалпы салмағы 34 келіге жуық гашиш тәркіленді. Күдіктілер қамауға алынды". Ерлан Әлмағамбетов

Полицейлердің айтуынша, Алматыға есірткі жеткізу арнасы анықталды.

Қазіргі уақытта шөпті ықтимал пайдаланушылардың ауқымы тексеріліп жатыр.

Алматы қалалық полиция департаменті ҚР ҚПК-нің 201-бабының талаптарына, сондай-ақ ҚР Конституциясының нормаларына сәйкес, қылмыстық іс бойынша өзге де мәліметтер жария етуге жатпайтынын хабарлайды.Алматы полиция департаментініңі баспасөз қызметі

Оқи отырыңыз