БҚО-да полицейлер қылмысты топты құрықтап, ақбөкеннің 2 мыңнан астам мүйізін тәркіледі

БҚО-да жүргізілген арнайы іс-шара барысында ақбөкен дериваттарының заңсыз айналымымен айналысқан қылмыстық топ құрықталды, деп хабарлайды Zakon.kz.

БҚО ПД ҰҚҚК басқармасының және ҚР ҰҚК-нің БҚО бойынша департаментінің қызметкерлерімен бірлесіп "Браконьер" жедел алдын алу іс-шараларын жүргізу барысында ақбөкен дериваттарының заңсыз айналымымен айналысқан қылмыстық топты құрықтады.

Тінту барысында ақбөкеннің екі мыңнан астам мүйізі табылып, тәркіленді. ҚР ҚК 339-1-бабында көзделген “Сирек кездесетін және құрып кету қаупі төнген, сондай-ақ пайдалануға тыйым салынған өсімдіктер немесе жануарлар түрлерімен, олардың бөліктерімен немесе дериваттарымен заңсыз айналысу” қылмыс жасады деген күдік бойынша 5 адам Орал қалалық ПБ-ға жеткізілді.

Осы факті бойынша сотқа дейінгі тергеу басталды.