Ақтауда Үкіметтік комиссия жұмысын бастады

Қасым-Жомарт Тоқаев Twitter арқылы демонстранттарды диалогқа дайын болуға шақырды.

Құқық қорғау органдарына қоғамдық тәртіптің бұзылуына жол бермеу жөнінде тапсырма берілді. Демонстранттар жауапкершілік танытып, диалогқа дайын болуы тиіс.Қасым-Жомарт Тоқаев

Сондай-ақ ол Республикалық оперативтік штаб құрылғанын жеткізді.

Құрамында Президент Әкімшілігінің қызметкерлері бар үкіметтік комиссия Ақтауда жұмысқа кірісті. Республикалық оперативтік штаб тұрақты негізде жұмыс істеп жатыр. Комиссияға еліміздегі тұрақтылықты сақтай отырып, туындаған мәселе бойынша өзара тиімді шешім шығару жүктелді.Қасым-Жомарт Тоқаев

Қазіргі уақытта Президент Қасым-Жомарт Тоқаевтың тапсырмасы бойынша Премьер-Министр құрған үкіметтік комиссия өңірге келіп, өз жұмысын бастады.

Еске салсақ, Жаңаөзен тұрғындары өңірдегі сұйытылған газ бағасының қымбаттауына наразылығын білдіргені еді. Бағаның көтерілу себебін Энергетика министрлігі түсіндірді.

Оқи отырыңыз

Тоқаев Шыңжаң-Ұйғыр автономиялық ауданы ҚКП партия комитетінің хатшысымен кездесті

15:01, 27 наурыз 2023

Мемлекет басшысы аралас жекпе жек шебері Шавкат Рахмоновты қабылдады

11:19, 27 наурыз 2023

26-27 сәуірде Қазақстан халқы Ассамблеясының XXХІI сессиясы өтеді

09:04, 27 наурыз 2023