Ақтөбе облысында жол апатынан ерлі-зайыпты шетелдік азаматтар көз жұмды

Ақтөбе облысындағы тас жолда ерлі-зайыпты ресейлік азаматтар болған Datsun автокөлігі КамАз жүк көлігімен соқтығысқан, деп хабарлайды Zakon.kz.

Өңірлік ПД баспасөз қызметінің хабарлауынша, 29 наурызда Ақтөбе-Астрахань тас жолында Қарауылкелді ауылының маңында КамАЗ жүк көлігінің жүргізушісі екінші жолдан бас жолға шығып, Datsun автокөлігімен соқтығысқан.

"Салдарынан Datsun көлігінің 48 жастағы жүргізушісі және жанындағы жолаушы - оның 49 жастағы әйелі, Ресей Федерациясының азаматтары оқиға орнында қаза тапты", делінген хабарламада.

ҚР ҚК 345-бабы 4-бөлігі бойынша сотқа дейінгі тергеу басталғаны нақтыланады.