Тоқаев Үкімет пен ТЖ жөніндегі орталық арасындағы келісімді ратификациялайтын заңға қол қойды
Сурет: Zakon.kz/Павел Михеев
Мемлекет басшысы "ҚР Үкіметі мен Төтенше жағдайлар және дүлей зілзалалардың қауіп-қатерін азайту жөніндегі орталық арасындағы Қазақстан Республикасының аумағында оның болу шарттары туралы келісімді ратификациялау туралы" Қазақстан Республикасының Заңына қол қойды, деп хабарлайды Zakon.kz.
Депутаттар келісімді 5 сәуірде ҚР Парламенті Мәжілісінің жалпы отырысында ратификациялады.
Депутаттар алдында заң жобасын таныстырған Төтенше жағдайлар жөніндегі министр Юрий Ильин аталған келісімге 2022 жылдың 17 маусымында қол қойылғанын жеткізді. Министрдің айтуынша, Төтенше жағдайлар және дүлей зілзалалардың қауіп-қатерін азайту жөніндегі орталығына халықаралық ұйымдардан 6 млн доллар тартылған.
"Орталық халықаралық тәжірибені ескере отырып, жаңа әдістер мен ұсыныстарды дайындайды. Мен де Алматыда ұзақ жылдар тұрған адам ретінде ол мәселені түсінемін. Көптеген мердігер заңсыз жерлерге құрылыс жүргізеді. Сел қаупіне қатысты айтатын болсақ, тәуелсіздік жылдарында біз алғаш рет селден қорғайтын 3 жобаны жүзеге асырып жатырмыз", - деді министр.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
