Шарон өзеніндегі қайықтан 1 тоннадан астам заңсыз ауланған балық табылды

Атыраулық полицейлер 1 тоннадан астам заңсыз балық тасымалдаған күдіктілерді анықтады, деп хабарлайды Zakon.kz.

22 сәуірде Құрманғазы ауданы Шарон өзені бойында 1987 жылғы және 1991 жылғы аудан тұрғындарының басқаруындағы қайықты тексеру кезінде жалпы салмағы 1 203 келіні құрайтын сазан, жайын, көксерке, құтықаракөз қара балықтары анықталып, тәркіленді.

Аталған дерек бойынша ҚР ҚК-тің 335-бабы 3-бөлігімен сотқа дейінгі тергеу амалдары жүргізіліп жатыр.