Мамандандырылған ХҚКО ісі: Қызметкерлерінің ұсталуына байланысты құзырлы орган түсінік берді
Сурет: Zakon.kz
"Азаматтарға арналған үкімет" мемлекеттік корпорациясы" КЕАҚ баспасөз қызметі елордалық мамандандырылған ХҚКО қызметкерлерін ұстауға мемлекеттік корпорацияның орталық аппаратының ішкі қауіпсіздік департаментінің қызметкерлері бастамашы болғанын жеткізді.
"2022 жылдың 20 сәуірінде 01-28-08/3077 нөмірі бойынша Антикорға іс жүргізу шараларын қабылдау үшін Астананың арнайы ХҚКО-ларында 16 көлік құралын заңсыз тіркеу фактісі орын алғаны туралы хат жолданды". "Азаматтарға арналған үкімет" мемлекеттік корпорациясының баспасөз қызметі
Бүгін Сыбайлас жемқорлыққа қарсы қызмет "Азаматтарға арналған үкімет "мемлекеттік корпорациясы" КЕАҚ мамандандырылған бөлімінің қызметкерлерінен тұратын ұйымдасқан топқа қатысты сотқа дейінгі тергеп-тексеруді аяқтағаны белгілі болды.
Антикор атап өткендей, қылмыстық топ 2022 жылдың қаңтар-мамыр айлары аралығында заңнамада көзделген алымдар мен төлемдерді төлемей, шетелден әкелінген 475 автокөлікті заңсыз тіркегені анықталды. Осыған байланысты мемлекетке 1,4 млрд теңге сомасында аса ірі мөлшерде залал келтірілді.
Қылмыс жасады деген күдікке барлығы 30 адам ілініп отыр.
