Салық пен әлеуметтік төлемдерді төлемегені үшін шотты блоктады: не білу керек
Сурет: Zakon.kz
Мысалы, Салық кодексінде салық органдарының 6 АЕК-тен асатын (2023 жылы 20 700 теңге) салық берешегі бойынша банк шоттарына тыйым салу қарастырылған. Бұл 6 АЕК-тен төмен қарыздар бойынша шоттарға тыйым салынбайды деген сөз.
"Алайда әлеуметтік төлемдер бойынша 1 теңгеден асатын берешек бойынша банк шоттарына тыйым салынады. Өйткені бұл ұйым қызметкерлерінің қарызы (олардың зейнетақы қорларына, әлеуметтік және медициналық сақтандыру қорларына түсетін түсімдері), - деп түсіндірді Мемлекеттік кірістер комитеті.
Енді кәсіпкерлерді қолдау мақсатында мәжбүрлеу шаралары қолданылмайтын салық берешегінің және әлеуметтік төлемдердің сомаларының шекті мәнін арттыру бөлігінде тиісті заңнамалық актілерге өзгерістер мен толықтырулар енгізу мәселесі қаралып жатыр.
Сонымен қатар шағын қарыздар бойынша банк шоттарына тыйым салуды болдырмау мақсатында шоттарды берешек сомаларының шегімен шектеу ұсынылады. Мысалы, 100 теңге қарыз болса, 100 теңге ғана бұғатталады. Комитет бұл түзетулерді қабылдау банк шотындағы барлық ақшаны бұғаттау мәселесін болдырмайды дейді.
