Қостанайда полицияға бағынбаған жүргізушіге қомақты айыппұл салынды
Сурет: Zakon.kz
Қостанай қалалық әкімшілік құқық бұзушылық жөніндегі мамандандырылған соты полицияға бағынбаған жүргізушіге қатысты 130 мың теңге айыппұл түрінде жаза тағайындады, деп хабарлайды Zakon.kz.
19 наурызда Lada Granta жүргізушісі әл-Фараби даңғылы бойына көлігін дұрыс қоймаған. Ол патрульдік полицияның ескертуін елемей, қызметкерлерге қарсылық көрсеткен. Осыған байланысты ол екі дерек бойынша әкімшілік жазаға тартылды.
"Оған полицейлердің заңды талаптарына бағынбағаны үшін 110 мың теңге, тұрақ ережелерін бұзғаны үшін 18 мың теңге айыппұл тағайындалды", делінген хабарламада.
Айта кетсек, 19 наурызда кешқұрым уақытта Шымкентте Chevrolet Cobalt пен Van Hool маркалы халықаралық бағытта қатынайтын жолаушылар автобусы соқтығысты. Жол апаты салдарынан 5 адам зардап шекті. Оның екеуі – кәмелет жасына толмаған балалар.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript