Павлодар облысында 44 жастағы әйел із-түссіз жоғалып кетті

Әйел, жоғалды, Павлодар облысы, сурет - Zakon.kz жаңалық 08.04.2024 21:12

Сурет: pxhere

Май ауданы Малайсары ауылында 7 сәуірде 44 жастағы әйелдің жоғалғаны туралы полицияға хабарлама түскен. Полицияға жоғалған әйелдің қызы көмекке жүгінген, деп хабарлайды Zakon.kz.

44 жастағы тұрғыны Солтан Жанар Әмірғалиқызы 6 сәуірде үйінен шығып кетіп, сол күйі кері оралмаған. Қызының айтуынша, бұған дейін мұндай жағдай болмаған.

"Жедел уәкілдер дереу барлық аумақтық полиция бөлімшелеріне және жақын маңдағы облыстарға жіберілетін бағдарды әзірледі. Жақын маңдағы ауылдарды, шалғындарды, жайылымдарды және шалғынды жерлерді, Ертіс өзенінің жағасы қарастырылды. Әйелдің туыстары, көршілері, таныстары, вокзалдар, тас жолы бойы да тексеріліп, пысықталуда. Жоғалған адамның орналасқан жерін анықтау бойынша іс- шаралар жалғасуда". Павлодар облысы ПД баспасөз қызметі

Жоғалған әйелдің белгілері: бойы шамамен 165-170 см, дене бітімі - арық, шашы - селдіреген, сөйлеу кемістігіне байланысты ІІ-ші топтағы мүгедектігі бар. Үстінде қара түсті куртка, тізеге дейін түсетін қызыл түсті юбка, көк түсті қалпақ, көк түсті калошы бар.

Жоғалған әйел, Павлодар облысы, Солтан Жанар, сурет - Zakon.kz жаңалық 08.04.2024 21:12

Сурет: Павлодар облысы ПД баспасөз қызметі

Полиция әйелдің орналасқан жері туралы білетін кез келген адамнан 102 немесе 8 (718-2) 39-12-32 нөмірлеріне қоңырау шалуды сұрайды. Анонимділікке кепілдік беріледі.

Айта кетсек, 7 сәуірде Семейде әпкелі-інілі қос бала жоғалып кетті.

Оқи отырыңыз