Жедел жәрдем қызметкеріне шабуыл жасаған елорда тұрғыны 10 тәулікке қамалатын болды

Астана қаласының әкімшілік құқық бұзушылықтар жөніндегі мамандандырылған ауданаралық соты 2024 жылы 3 маусымда жедел жәрдем қызметкеріне шабуыл жасаған елорда тұрғынын 10 тәулікке қамауға алу түрінде үкім шығарды, деп хабарлайды Zakon.kz.

Соттың хабарлауынша, ер адам екі эпизод бойынша әкімшілік жауапкершілікке тартылды:

• Бірінші эпизод бойынша, К. мас күйінде медициналық қызмет көрсету фельдшерін пышақпен қорқытып, оған физикалық күш көрсеткен.
• Екінші эпизод бойынша, К. полиция басқармасының ғимаратында уақытша ұстау камерасының кезекші бөліміндегі едендегі кафельді сындырып, терезеге лақтырып, әйнекті қиратқан.

"Сот отырысында ер адам кінәсін мойындады, өз іс-әрекетінің заңсыз екенін түсініп, кешірім сұрады. Жәбірленуші әкімшілік құқық бұзушылық туралы хаттамада көрсетілген мән-жайларды растап, жаза тағайындауды соттың қарауына қалдырды", делінген сот хабарламасында.

Сот қаулысымен елорда тұрғыны әкімшілік құқық бұзушылық жасағаны үшін кінәлі деп танылып, 10 тәулікке әкімшілік қамауға алынды. Сондай-ақ, сот қаулысымен бөтен мүлікті қасақана жою немесе бүлдіру фактісі бойынша кінәлі деп танылып, 15 тәулікке әкімшілік қамауға алынды.

Қаулылар заңды күшіне енген жоқ.