Денсаулық сақтау министрлігі жедел жәрдем жұмысындағы өзгерістерге байланысты қазақстандықтарға жүгінді
Фото: akorda.kz
Қазақстан Республикасы Денсаулық сақтау министрлігінің ресми өкілі Айгерім Уразалиева жедел жәрдем жұмысына енгізілген өзгерістерге байланысты ел азаматтарына жүгінді, деп хабарлайды Zakon.kz.
Бейнеүндеу Денсаулық сақтау министрлігінің әлеуметтік желісінде жарияланды.
"Бүгін бірқатар БАҚ-та жедел медициналық көмек көрсету қағидаларына өзгерістер енгізу туралы бұйрық жобасының мазмұнын қате түсіндіру жарияланды.Осыған байланысты біз түсіндіреміз: бұрынғыдай, 103 нөміріне қоңырау шалу арқылы барлық пациенттер шақырту санатына қарамастан толық көлемде медициналық көмек алады",- деді ресми өкіл.
Сонымен қатар, жеделдікті жақсарту үшін жұмыс уақытында шұғылдықтың IV санатындағы шақыртуларға қызмет көрсетуге медициналық-санитариялық алғашқы көмектің мобилдік бригадалары тартылатын болады.
"Кешкі және түнгі уақытта, сондай-ақ демалыс күндері барлық санаттағы шақыртуларға жедел көмек бригадалары қызмет көрсететін болады. Осылайша, азаматтар үшін ештеңе өзгермейді, бірде-бір шақырту назардан тыс қалмайды және пациенттерге қызмет көрсетудің жеделдігі мен сапасы одан әрі жақсарады",- деп түйіндеді Уразалиева.
25 қыркүйекте жедел медициналық көмекке шақырудың бір бөлігі мобильді бригадаларға ауысатындығы белгілі болды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
