Қостанайда жанар-жағармай құю бекетіне қарақшылық шабуыл жасаған күдікті ұсталды

Әулиекөл ауданында жанармай құю станциясына қарақшылық шабуыл жасалды. Бетін бөкебаймен орап, қалпақ киген белгісіз адам оператор әйелге күш қолдана отырып, пышақпен қорқыта 33 мың теңгені қолды қылды, деп хабарлайды Zakon.kz.

Полиция қызметкерлерінің жедел әрекеттерінің арқасында 41 жастағы күдікті ұсталды.

"Қазіргі уақытта қарақшылық фактісі бойынша сотқа дейінгі тергеп-тексеру басталды. Сотпен күдіктіге қатысты 2 ай мерзімге қамауға алуға санкция берілді", делінген полиция хабарламасында.

Осы қылмысты жасағаны үшін оған мүлкі тәркіленіп, үш жылдан жеті жылға дейінгі мерзімге бас бостандығынан айыру жазасы тағайындалуы мүмкін екені де нақтыланады. 

Бұған дейін Таразда ер адам өзін құрылыс кранына байлап, күш құрылымдарына талаптар қойғаны хабарланған.