"Қыздардың суына қосып береді". Елорда тұрғындарына ескерту жасалды

Елорда билігі қала тұрғындарына ескерту жасап, маңызды мәліметпен бөлісті, деп хабарлайды Zakon.kz.

Астана әкімдігінің мәліметінше, соңғы жыл ішінде 8 000-нан астам есірткі қылмысы анықталды, олардың арасында қылмыскерлердің бейтаныс адамдарға, әсіресе қыздарға, сусындарына есірткі заттарын қосу жағдайлары жиі кездеседі. Елорданың Есірткі қылмысына қарсы іс-қимыл басқармасы осылай деп ескерту жасады. 

Мамандар өзіңіз бен жақындарыңызды қорғау үшін арнайы есірткі заттарын анықтайтын тест-жолақтарын бірге алып жүруді ескертеді.

"Мұндай жолақтар дәріханаларда қолжетімді, кішкентай, көп орын алмайды және ең бастысы – бір минут ішінде қауіпті заттардың бар-жоғын анықтауға көмектеседі. Бұл – қылмыстың алдын алудың және өз қауіпсіздігіңізді қамтамасыз етудің қарапайым, бірақ тиімді тәсілі", делінген әкімдік хабарламасында.

Бұған дейін Алматыда есірткі сатушы әйел ұсталғанын хабарлағанбыз.