Шерзатты өлтірді деп айыпталғандарды көлігімен тасыған талғарлық: Маған ешкімге ештеңе айтпауды бұйырды

2025 жылдың 28 сәуірінде Жетісу облыстық қылмыстық істер жөніндегі мамандандырылған ауданаралық сотында Талғардағы "Қамажай" дүкенінің жанындағы төбелеске қатысушыларды үйді-үйлеріне таратқан 19 жастағы жүргізушіден жауап алынды, деп хабарлайды Zakon.kz.

Талғар тұрғыны Юлдаш Рузбакиев сотталушылардан Нұрқияс Ілиясов пен Абзал Шынасылды білетінін, ал қалғандарын танымайтынын айтты.

"Төрт дос әкімді алдында сөйлесіп тұрдық. Содан кейін бізге Арлан Қазыкенов келіп қосылды. Сол кезде Даниярға анасы қоңырау шалып, Талғарда төбелес болғанын, біздің сол маңда жүрген-жүрмегенімізді білмек болды. Біз "жоқ" дедік. Ол кісі бізден ешқайда бармауымызды өтінді. Бірақ бәріміз үш көлікке мініп, солай қарай бет алдық. Біз келген кезде жерде екі адам жатты, көршілер де жиналып қалған. Біз жағдай тура осындай деп ойламаппыз. Содан кейін сұр көлік келді. Ер адам жаралыларды көлікке салды, ал әйел жерде жатқан оқтарды жинап, қызғылт қалпақты жерден көтерді". Юлдаш Рузбакиев

Осы оқиғадан кейін Юлдаш Рузбакиев сотталушыларды көлігімен тасығаны белгілі болды. Олардың бірі оған ешкімге ештеңе айтпауды бұйырған.

"Оқиға орнында Арлан Қазыкенов Нұрқиясқа қоңырау шалуды ұсынды. Біз оның көлігіне отырдық, ол маған Нұрқиясты "алып кет" деді. Біз келгенде ол арада жеті адам болды. Олар мас еді. Біз амандастық, Нұрқияс бізге көліктің жанында тұра тұруды бұйырды. Маған Нұрқияс, Абзал және бейтаныс қыз келіп отырды. Біз төменге қарай жүрдік, ал біздің артымыздан Мercedes ерді. Содан кейін біз тоқтадық. Қыз шығып кетті де оның орнына басқа қыз отырды. Абзал бұл "олардың өз әңгімесі" екенін, ешкімге ештеңе айтпауымызды сұрады. Содан кейін бізді полиция тоқтатты". Юлдаш Рузбакиев

Сондай-ақ Арлан Қазыкеновтан жауап алынды. Ол Абзал Шынасыл және Нұрқияс Ілиясовпен таныс болғанын айтты.

"Төбелес болғанын ести сала, біз жетеу болып дүкенге келдік. Жерде екі адамның азап шегіп, домалап жатқанын көрдік. Әйел жердегі оқтарды жинап алды, ал ер адам жараланған екі адамды көлікке отырғызды. Мен Нұрқиясқа қоңырау шалдым, өйткені сол жерде тұрғанымызда бір тұрғынның полицейлерге қара Мерседес туралы айтып жатқанын естідім. Мен одан төбелес туралы естіген-естімегенін сұрадым. Ол "жоқ" деп жауап берді. Одан соң ол маған "келесің бе" деді. Мен келістім. Рысқұлов ауылына бардым. Тауға қарай көтерілдім. Нөмірі жоқ Mercedes-ті көрдім. Жеті адам болды. Нұрқияс жаңа тас жолға апарып тастауымды өтінді. Маған Нұрқияспен бірге бір жігіт пен бір қыз отырды. Жолда тоқтадық, Нұрқияс Равилге басу айтып жатты, ол бізге бейтаныс қызбен бірге келіп отырды. Біз ары қарай жылжыдық, полиция бізді тоқтатты". Арлан Қазыкенов

2024 жылдың 4 қазанында Талғарда жаппай төбелес болып, оның барысында 16 жасар Шерзат Полат пышақ жарақатынан қаза тапты. Қоғамдық резонанс тудырған жасөспірімді өлтіру дерегі бойынша тергеу ҚР Қылмыстық кодексінің бес бабы бойынша жүргізілді, 11 күдікті қамауға алынды.