HAS қаржы пирамидасы жұртты өздеріне сендіру үшін декоративтік заттарды пайдаланған

Өздерін сыртқы экономикалық қызметпен айналысатын компания ретінде таныстырған алаяқтар азаматтарды түрлі инвестициялық жобаларға ақша салуға үгіттеген. Ай сайын 70%-ға дейін пассивті табыс уәде етілген, деп хабарлайды Zakon.kz.

Павлодарда HAS қаржы пирамидасының заңсыз әрекеттері әшкере болды.

"Әлеуметтік желіде Астана және Қосшы қалаларында салынып жатқан тұрғын үйлердің құрылысы бойынша жалған акциялар белсенді түрде насихатталған. Құрылыс жүріп жатқандай көрініс жасау үшін арнайы техника жалданып, декорациялар пайдаланылған", деп хабарлайды Қаржы мониторингі агенттігінің баспасөз қызметі.

Аталған істі ҚМА Павлодар облысы бойынша департаменті тергеп-тексерді.

Бұған дейін аталған агенттіктің Абай облысы бойынша департаменті "Rakhat0425" қаржы пирамидасының қызметін тыйғанын жазғанбыз.