Қазақстанның үш облысында дабылды ескерту жарияланды
![24.kz, сурет - Zakon.kz жаңалық 29.03.2018 21:39](https://kaz.zakon.kz/pbi/WEBP/2023-12-20/file-580da9eb-480f-4536-9bf3-169308f83abf/800x452.webp)
Синоптиктер күннің суытуына байланысты Жамбыл, Қостанай, Қызылорда облыстарында дабылды ескерту жариялады, деп хабарлайды Zakon.kz Қазгидрометке сілтеме жасап.
30 наурызда Қостанай облысының кей жерлерінде жаяу бұрқасын, көктайғақ, жел 15-20 м/с болады.
30-31 наурызда Қызылорда облысының кей жерлерінде шығыстан оңтүстік-батысқа ауысып соғатын 15-20, екпіні 23-28 м/с жел болып, тұман түседі.
30-31 наурыз күндері Жамбыл облысында оңтүстік-батыстан соғатын жел солтүстік-шығыс желіне ауысады, кей жерлерде 15-20 м/с, 30 күндіз, 31 наурызда тәулік бойы екпіні 23-28 м/с жетеді.
Тараз қаласында 30 күндіз, 31 наурызда тәулік бойы оңтүстік-батыстан соғатын жел солтүстік-шығыс желіне ауысады, екпіні 15-20 м/с, кей уақытта 23-28 м/с болуы ықтимал.