Сенатор: Баспана беру ережесін жеңілдету керек

inbusiness.kz

Шыны керек, бізде күрмеуі шешілмеген әлеуметтік мәселе көп. Соның бірі – баспана мәселесі.

Сенат депутаты Ләззат Сүлеймен мемлекеттік ипотекалық бағдарламалардың осал санаттағы азаматтар үшін қолжетімсіз екенін мәселе етіп көтерді, деп хабарлайды zakon.kz Atameken Business-ке сілтеме жасап.

Мысалы, І және ІІ топтағы мүгедектігі бар адамдардың ресми жұмысқа орналасуға мүмкіндігі жоқ. Тиісінше зейнетақы қорына жарна аударылмайды. Еңбек табысын растаудың болмауына байланысты аталған санаттағы азаматтарға жеңілдетілген ипотекалық кредит бұйырмайды. Ал "Баспана Хит" бағдарламасы, тіпті, айлық табысы 170-180 мың теңгеден төмен азаматтарға да қолжетімсіз.

Депутат "7-20-25" бағдарламасының да кем тұстарына тоқталды. Аталған бағдарлама бастапқы тұрғын үй нарығына ғана бағытталған. Ал қолданысқа берілгенде жаңа тұрғын үйден пәтер табу қиын. Себебі алыпсатарлар ғимарат құрылысы жүріп жатқанда арзанға алып, кейін қымбатқа сатады. Осыған байланысты сенатор мемлекеттік ипотекалық бағдарламалардың аясын кеңейтуді ұсынды.

Оқи отырыңыз