Әсел Айтпаеваның ісі: күдікті 15 шілдеге дейін қамауда болады

Сот Грузияда қайтыс болған қазақстандық қыз туралы іс бойынша күдіктіні қамауға санкция берді.

2021 жылғы 25 мамырда Нұр-Сұлтан қаласының Мамандандырылған ауданаралық тергеу соты азамат М.-ны 2 ай мерзімге, 2021 жылғы 15 шілдені қоса алғанда қамауда ұстау түріндегі бұлтартпау шарасына санкция берді, деп хабарлайды zakon.kz.

Қазіргі таңда, М. Грузия Республикасында жұмысқа орналастырамын деген сылтауымен пайдалану мақсатында А-ға қатысты мәміле жасады деп күдіктелуде, бұл абайсызда оның өліміне әкеп соққан (ҚК-нің 128-бабы 4-бөлігінің 2-тармағы), делінеді Нұр-Сұлтан қаласының мамандандырылған ауданаралық тергеу сотының хабарламасында.