Әлемдегі табысы ең жоғары баскетболшылар кім?
zakon.kz
"Лос-Анджелес Лейкерс" шабуылшысы Леброн Джеймс Forbes мәліметтері бойынша НБА-2021/22 маусымындағы ең жалақысы жоғары баскетболшы болып отыр, деп хабарлайды zakon.kz.
НБА-ның төрт дүркін чемпионының осы маусымдағы жалпы табысы 111,2 млн долларды құрайды. Бұл – НБА тарихындағы рекордтық табыс. 41,2 млн доллар ойыншының жалақысы, ал 70 млн-ды Леброн жарнамадан және басқа да жобалардан табады. Өткен маусымда Джеймс 96,5 млн доллар табыс тапты.
View this post on Instagram
Екінші орында "Голден Стэйт" ойыншысы Стефен Карри (92,8 млн), үшінші орында – "Бруклин" шабуылшысы Кевин Дюрент (87,9 млн).
Сондай-ақ, Леброн Джеймс тағы бір салада жоғары көрсеткіштерімен ерекшеленді. ESPN сарапшысы Кендрик Перкинс Ұлттық баскетбол қауымдастығының тарихындағы ең үздік ойыншылар рейтингін жасады.
Перкинстің пікірінше, ең үздік баскетболшы – Лос-Анджелес Лейкерс-тің серкесі – Леброн Джеймс. Кендрик тізімінде екінші орында "Чикаго Буллз" командасының аты аңызға айналған ойыншысы Майкл Джордан тұр. Перкинс рейтингінің үздік үштігіне даңқ залының мүшесі Кәрім Абдул-Джаббар кіріпті.
Ондыққа сонымен қатар Лос-Анджелес Лейкерс аңызы Маджик Джонсон, НБА-ның үш дүркін чемпионы Ларри Бирд, әйгілі баскетболшы Шакил О'Нил, дүлей баскетболшы Уилт Чемберлен, НБА-ның бес дүркін чемпионы Тим Данкан, Лос-Анджелес Лейкерс ойыншысы Коби Брайант және НБА-ның 11 дүркін чемпионы Билл Расселл кірді.
Бақытжан Отарбаева
