"Салық төлеуші кабинеті" қосымшасы екі күн жұмыс істемейді

ҚР қаржы министрлігі мемлекеттік кірістер комитетінің ақпараттық жүйелері екі күн жұмыс істемейді, деп хабарлайды Zakon.kz.

Мемлекеттік кірістер комитеті баспасөз қызметінің хабарлауынша, атап айтқанда web-портал, "Салық төлеуші кабинеті" веб-қосымшасы, "АСТАНА-1" ақпараттық жүйесі, Орталықтандырылған сәйкестендірілген дербес шоттар, Біріктірілген салықтық ақпарат жүйесі, Электрон шот-фактуралар, Салықтық әкімшілендірудің интеграцияланған жүйесі, Е-терезе, Тәуекелдерді басқару жүйесі жұмыс істемейді.

"Астана бойынша 2023 жылғы 14 қаңтарда сағат 09:00-ден бастап 16 қаңтарда сағат 10:00-ге дейін мемлекеттік органдардың ақпараттық жүйелерінде деректердің жоғалуын болдырмау үшін "Ұлттық ақпараттық технологиялар" акционерлік қоғамы деректерді сақтау жүйелерін жаңарту бойынша техникалық жұмыстар жүргізіледі", - делінген хабарламада.