Путин төрт аймақта соғыс жағдайын енгізу туралы жарлыққа қол қойды

Ресей президенті Владимир Путин Қауіпсіздік кеңесінің отырысында Херсон және Запорожье облыстарында, сонымен қатар өз егемендігін жариялаған ЛХР мен ДХР-да әскери жағдайды енгізу туралы шешім қабылданғанын мәлімдеді, деп хабарлайды Zakon.kz.

Путин Ресейге қосылған төрт аймақта – өзін-өзі жариялаған Донецк және Луганск халық республикаларында, Запорожье және Херсон облыстарында әскери жағдайды енгізу туралы жарлыққа қол қойды.

Оның айтуынша, бұл шешім Украинадан келетін лаңкестік қауіптерге байланысты қабылданған.

Әскери жағдайдың қанша уақытқа енгізілгені әлі белгісіз.

Жарлық Федерация Кеңесіне бекітуге жіберілді.