Қазақстандағы Адам құқықтары жөніндегі жаңа уәкілдің есімі белгілі болды

Қазақстан президенті Қасым-Жомарт Тоқаев Адам құқықтары жөніндегі уәкіл лауазымына Артур Ластаевтың кандидатурасын ұсынды, деп хабарлайды Zakon.kz.

Сенат депутаттары Артур Ластаевтың кандидатурасын қолдады.

Артур Ластаев 1983 жылы дүниеге келген. Әл-Фараби атындағы Қазақ ұлттық университетін халықаралық құқық мамандығы бойынша бітірген.

2006 жылы Алматы қаласы прокуратурасы Бостандық ауданы прокурорының көмекшісі болды. Әлеуметтік-экономикалық саладағы заңдылықты қадағалау департаментінің бөлім меңгерушісі де болды.

Ол Бас прокуратураның өкілі – Қазақстан Республикасының Женевадағы БҰҰ бөлімшесі және басқа да халықаралық ұйымдар жанындағы Тұрақты өкілдігінің кеңесшісі.

2018-2022 жылдары Бас прокуратураның Еуропадағы өкілі – Қазақстанның Швейцариядағы Елшілігінің кеңесшісі болды.

2022 жылдан Бас прокуратураның Халықаралық құқықтық ынтымақтастық қызметінің басшысы.

2022 жылғы 29 желтоқсанда Президент Қасым-Жомарт Тоқаевтың қатысуымен Қазақстан Парламенті Сенатының отырысы өтті.