ҰҚШҰ Қазақстанда өткен сайлауда заң бұзушылықтар анықтаған жоқ
Сурет: Zakon.kz
Беларусь Республикасы Ұлттық Жиналысы Өкілдер палатасының Ұлттық қауіпсіздік жөніндегі тұрақты комиссиясы төрағасының орынбасары, ҰҚШҰ ПА әлеуметтік-экономикалық және құқықтық мәселелер жөніндегі тұрақты комиссиясының төрағасы Александр Маркевич баспасөз мәслихатында халықаралық Байқау тобына Армения, Беларусь, Қырғызстан, Ресей, Тәжікстан өкілдері және ҰҚШҰ ПА Хатшылығының өкілдері кіргенін айтты.
Сайлау қарсаңында халықаралық байқаушылар партиялардың өкілдерімен, Сенат басшылығымен, Қазақстан Республикасы Кәсіподақтар федерациясымен, жұртшылықпен кездесті. Дауыс беру күні олар сайлау учаскесінің ашылу қарсаңында келіп, сайлаушыларды енгізу тәртібі қалай ұйымдастырылғанын, көрнекі үгіт-насихат жұмыстарының қалай жүргізілгенін, қажет жағдайдың бар-жоғын, мүмкіндігі шектеулі жандарға қолжетімділікті, бюллетеньдерді беру және дауыс беру тәртібін қарастырды.
"Біз барлығы 11 сайлау учаскесінде болдық: Астанада 8, Ақмола облысы Ақмол кентінде 3. Сайлау Қазақстан Республикасының заңнамасына және халықаралық стандарттарға сәйкес өтті. Сайлау бюллетеньдерін беру тәртібінде, визуалды үгіт-насихат жұмысын жүргізу, дауыс беру процесінің өзін ұйымдастыру, дауыстарды санау кезінде біз бұзушылық анықтаған жоқпыз. Қазақстан Республикасында саяси реформаның жоспарлы және мақсатты түрде жүргізіліп жатқанын және бұл науқанға сайлаушылардың үлкен қызығушылық танытқанын атап өткіміз келеді. Әсіресе ауылдық жерлердегі сайлаушылардың белсендігі бұған дәлел. Ақмол ауылында сайлаушылардың 60%-дан астамы қатысқан. Халықтың бұл кезектен тыс сайлауға қызығушылық танытқанын көрдік, олар саяси партияларға да, бір мандатты кандидаттарға да ерекше қызығушылық танытты".Александр Маркевич
Ол дауыс беру барысы, кандидаттардың сенімді өкілдерінің, байқаушылардың жұмысы заңға сәйкес ұйымдастырылғанын айтты.
"Біз ҰҚШҰ өкілі болғандықтан, сайлау учаскелерінде қоғамдық тәртіптің қамтамасыз етілгенін ерекше атап өттік. Біз форма киген адамдардың болғанын байқамадық. Әрине, қауіпсіздік шаралары жүргізілді, бірақ сайлаушылардың, халықтың құқықтық санасының біршама жоғары екенін көрдік. Қоғамдық тәртіп жоғары деңгейде өтті "Сайлау халықаралық мойындалған стандарттарға сәйкес келеді. Сайлаушылардың өз еркін білдіруіне жағдай жасалды. Біз ОСК қорытындылаған сайлау нәтижесін мойындаймыз.Александр Маркевич
19 наурызда Қазақстанда парламент мәжілісі мен барлық деңгейдегі мәслихаттар депутаттарының сайлауы өтті. 6 521 860 қазақстандық дауыс берді. ОСК-ның алдын ала мәліметі бойынша, Астана уақыты бойынша сағат 22:00-де сайлаушылардың 54,19%-дауыс берді.
Exit-pol сауалнамаларының алдын ала мәліметтері бойынша мәжіліске алты партия кірді: Amanat партиясы (53,33%), "Ауыл" халықтық-демократиялық патриоттық партиясы (11,26%), Қазақстанның "Ақ жол" демократиялық партиясы (8,87%), Қазақстан халық партиясы (6,93%), Respublica партиясы (8,33%), Жалпыұлттық социал-демократиялық партиясы (5,12%).
