Тоқаев ҰҚК төрағасының орынбасарларын тағайындады

Мемлекет басшысы Қасым-Жомарт Тоқаевтың өкімімен Қазақстан Республикасы Ұлттық қауіпсіздік комитеті төрағасының орынбасарлары тағайындалды, деп хабарлайды Zakon.kz.

Руслан Сейсембаев Қазақстан Республикасы Ұлттық қауіпсіздік комитеті төрағасының орынбасары – Терроризмге қарсы қызметтің басшысы болып тағайындалды;

Асхат Төлеуов Қазақстан Республикасы Ұлттық қауіпсіздік комитеті төрағасының орынбасары – Экономикалық қауіпсіздік қызметінің басшысы болып тағайындалды.

Сондай-ақ, Мемлекет басшысының Өкімімен Нұрғали Білісбеков Қазақстан Республикасы Ұлттық қауіпсіздік комитеті төрағасының орынбасары қызметінен босатылды.