Ғизат Нұрдәулетов ҰҚШҰ Қауіпсіздік кеңестері хатшылары комитетінің отырысына қатысты

Кездесу барысында Қауіпсіздік кеңестерінің хатшылары халықаралық және аймақтық ахуал бойынша пікір алмасты. Ұйымның жауапкершілігі шеңберінде қазіргі жағдай мен халықаралық экстремизм мен терроризм, киберқылмыс, есірткінің заңсыз айналымымен қатар, өзекті сын-тегеуріндер мен қауіп-қатерлерді бейтараптандыру шараларын талқылады, делінген Ақорда хабарламасында.

Ғизат Нұрдәулетов әріптестеріне ҰҚШҰ жұмысының маңызды бағыттары бойынша Қазақстанның ұстанымын жеткізді.

Отырыстың қорытындысы бойынша Ұйым аясында өзара іс-қимылды одан әрі жетілдіруге бағытталған бірқатар құжатқа қол қойылды.

Осы күні кездесуге қатысушыларды Беларусь Республикасының Президенті Александр Лукашенко қабылдады.

Қауіпсіздік кеңестері хатшылары комитетінің кезекті отырысы ҰҚШҰ-ға Беларусь Республикасының төрағалық етуін ескере отырып, ҰҚШҰ Ұжымдық қауіпсіздік кеңесінің сессиясы қарсаңында 2023 жылғы төртінші тоқсанда Минскте өтеді.

Оқи отырыңыз

Астана қаласының экс-әкімі Эстония Президентімен кездесті

19:21, 03 мамыр 2024

Тоқаев Әзербайжан мен Арменияның Алматыда өтетін келіссөздеріне қатысты мәлімдеме жасады

13:05, 01 мамыр 2024

Қасым-Жомарт Тоқаев баршаны Қазақстан халқының бірлігі күнімен құттықтады

09:03, 01 мамыр 2024