Қостанай облысындағы орман өрті: жоғары лауазымды тұлғалар неге жауапқа тартылмай қалған

Төтенше жағдай, сурет - Zakon.kz жаңалық 16.06.2023 20:57

Сурет: ҚР Қорғаныс министрлігінің баспасөз қызметі

Қостанай облысының әкімі Құмар Ақсақалов ОКҚ-да өткен баспасөз мәслихатында 2022 жылғы орман өртіне байланысты жоғары лауазымды шенеуніктердің неге жауапқа тартылмағанын түсіндірді, деп хабарлайды Zakon.kz.

Журналистер әкімнен Қостанай облысындағы орман өртіне байланысты неге қарапайым қызметкер жауапқа тартылып, ал жоғары лауазымды адамдар жазасыз қалғанын сұрады.

Құмар Ақсақалов қазір орман шаруашылығы директорының соты болып жатқанын еске салды.

"Ол бірден қамауға алынды, өйткені ол орман шаруашылығы территориясында жұмыс істейтіндердің барлығының қауіпсіздік ережелерін сақтауын қадағалауы керек болатын. Бұл арадағы мәселе - трактор ұшқынды басу құрылғысынсыз жұмыс істеген. Ұшқын жерге түсіп, өрт басталды. Мұның бәрін тиісті адамдар қарауы керек болатын. Соның ішінде орман шаруашылығы директоры да жауапты", - деді аймақ басшысы.

Сондай-ақ ол тергеу барысында басқа да бұзушылықтар анықталғанын атап өтті. Қазір олар бойынша сот талқысы жүріп жатыр.

Бірақ әкім ол қандай бұзушылықтар екенін атап көрсетпеді.

Оқи отырыңыз