Тоқаев пен Жапаров екі ел өнерпаздарының гала-концертін тамашалады

Гала-концерт, Астана, сурет - Zakon.kz жаңалық 18.04.2024 20:03

Сурет: akorda.kz

Қасым-Жомарт Тоқаев пен Садыр Жапаров екі ел өнерпаздарының гала-концертін тамашалады. Астанада Бейбітшілік және келісім сарайында өткен шарада Қазақстан мен Қырғызстанның танымал мәдениет қайраткерлері өнер көрсетті, деп хабарлайды Zakon.kz.

Бұдан бөлек, концертте "Астана опера" мемлекеттік опера және балет театрының әртістері, "Гүлдер", "Астана сазы", "Аркасыры" (Қырғызстан) ансамбльдері сияқты шығармашылық ұжымдар көрермендерге керемет көңіл күй сыйлады, делінген Ақорданың баспасөз қызметі таратқан хабарламада.

Гала-концерт, Қазақстан, Қырғыз Республикасы, сурет - Zakon.kz жаңалық 18.04.2024 20:03

Сурет: akorda.kz

Бағдарлама аясында "Манас" эпосынан үзінді оқылып, қос халыққа кең тараған әндер мен күйлер орындалды. Сондай-ақ бірнеше хореографиялық композиция ұсынылды.

Қасым-Жомарт Тоқаев пен Садыр Жапаров, гала-концерт, сурет - Zakon.kz жаңалық 18.04.2024 20:03

Сурет: akorda.kz

Сонымен қатар концертті Қырғызстанның ресми делегация мүшелері мен зиялы қауым өкілдері тамашалады.

Айта кетсек, 2024 жылы 18 сәуірде кешкісін Мемлекет басшысы Қасым-Жомарт Тоқаев Қазақстанға ресми сапармен келген Қырғызстан Президенті Садыр Жапаровты елорда әуежайында қарсы алды.

Оқи отырыңыз