Қасым-Жомарт Тоқаев Лукашенконы сайлаудағы жеңісімен құттықтады

Қазақстан мен Беларусь президенттері телефон арқылы сөйлесті, деп хабарлайды Zakon.kz.

Ақорданың Telegram-каналында жарияланған мәліметтерге сәйкес, әңгімелесушілер екіжақты күн тәртібіндегі өзекті мәселелерді талқылады.

Қасым-Жомарт Тоқаев Александр Лукашенконы Беларусь Республикасының Президенті сайлауындағы жеңісімен құттықтады.

Сондай-ақ өңірлік және халықаралық ұйымдар аясындағы өзара ықпалдастықтың өзекті мәселелерін талқылады.