Жәнібек Әлімханұлы әлем чемпионы атағы үшін күресуге Лас-Вегасқа аттанды

Қазақстандық боксшы чемпиондық белбеу үшін британдық Дэнни Дигнуммен жұдырықтасады. Әлімханұлымен бірге қазақстандықтың бапкері мен менеджерлері АҚШ-қа келді, деп хабарлайды Zakon.kz.

Орта салмақтағы қазақстандық боксшы Жәнібек Әлімханұлы (11-0, 7 КО) Лас-Вегасқа келді, онда 21 мамырда британдық Дэнни Дигнуммен (14-0-1) өз дивизионында WBO нұсқасы бойынша «уақытша» әлем чемпионы атағы үшін жұдырықтасады, деп жазады Sports.kz сайты.

Олардың жекпе-жегі 22 мамыр күні таңертең Top Rank Boxing Night аясында өтеді.

Жәнібек әлеуметтік желіде командасының Лас-Вегасқа келген сәтінен видео бөлісті.

We are in Las Vegas 🔥 pic.twitter.com/7E6SVU6EHL

— Janibek Alimkhanuly (@qazaqstyle) May 19, 2022

Онымен бірге бапкер Джеймс «Бадди» МакГирт, сондай-ақ менеджерлер Эгис Климас пен Берік Сұлтан ұрыс алаңына келді.