Жәнібек Әлімханұлы Қазақстан халқына үндеу жасады
Сурет: Instagram/janibek_qazaqstyle
Бұл туралы 2022 жылдың 20 қарашасында Жәнібек Әлімханұлы Instagram желісінде хабарлады.
Абыроймен, чемпиондық титулмен елге қайттық! Команда демалысқа шықты! Жәнібек Әлімханұлы
Боксшы бұйыртса келесі жылы үлкен жекпе-жектер күтіп тұрғаның жазды.
Біздің титулды алуға көп промоутерлер мен менеджерлер мүдделі болып отыр. Әрқайсының әртүрлі жоспары бар. Сол үшін бізге бірлікпен, қырағылықпен алға жылжу керек. Бізге қателесуге болмайды! Бұл спорт басқаша спорт! Бұйыртса келер жылы үлкен шоулар күтіп тұр. Қолдауларыңызға рақмет, ағайын! Жәнібек Әлімханұлы
2022 жылдың 13 қарашасында Лас-Вегаста қазақстандық боксшы Жәнібек Әлімханұлы британдық Дензел Бентлиге қарсы жекпе-жек өткізіп, әлем чемпионы атағын қорғап қалды. 12 раундтың қорытындысы бойынша төрешілер бірауыздан жеңісті қазақстандыққа берді. Әлімханұлы үшін бұл профессионал жекпе-жектегі 13-ші жеңіс.
Әлімханұлы Бентлимен жекпе-жектен кейін мексикалық Хайме Мунгуианы жұдырықтасуға шақырды.
17 қарашада Жәнібек Әлімханұлына 13 желтоқсанға дейін жекпе-жекке шығуға ресми тыйым салынғаны, ал Дензел Бентлидің 28 желтоқсанға дейін шаршы алаңға шыға алмайтыны белгілі болды. Жекпе-жектен кейін боксшыларға шектеулерді Невада штатының атлетикалық комиссиясы енгізді. Бұл шара медициналық сипатта және жауынгерлердің дұрыс қалпына келуіне қызмет етеді. Қазақстандық үшін британдықпен қарсыласу ерікті сипатта болған бірінші титулды қорғау болды.
