"Барыс" уфалық команданы ұтып, ҚХЛ-дің плей-офф кезеңіне өтушілер тізіміне оралды

Хоккей, сурет - Zakon.kz жаңалық 21.11.2022 22:20

Сурет: Instagram/barys_official

"Барыс" Құрлықтық хоккей лигасындағы кезекті ойынын өз алаңында өткізіп, уфалық "Салават Юлаев" клубын ұтып кетті. Осылайша астаналық команда осы маусымдағы 12-ші жеңісіне қол жеткізіп, Шығыс конференциясы рейтингісінде сегізінші орынға көтерілді, деп хабарлайды Zakon.kz.

Бірінші кезеңнің 2-минутында Кирилл Савицкий ерекше көзге түсіп, "Барысты" алға шығарды.

Екінші кезең екі команда үшін де нәтижелі болмады. Тек үшінші кезеңнің 46-минутында Джереми Бракко есепті ұлғайтты. Ойынның 48-минутында қонақтар ойыншысы есепті теңестірді.

Алайда "Барыс" ойыншылары шабуылды үдетіп, Кирилл Савицкий мен Линден Вей қос шайба соқты. Осылайша елордалық команда 4:1 есебімен басым түсті.

Айта кетсек, "Барыс" командасы 23 қарашада "Ак Барс" (Қазан) командасын өз алаңында қабылдайды.

Оқи отырыңыз